-بالعروة الوثيقة-
بقلم الشاعر محسن محمد فندي
حروف الشعر جادت بالمعاني
تيبقى الفكر. عنوان الحقيقة
متل قرآن بالسبع المثاني
شعشع نور عاكل الخليقة
آدم صرت والخالق هداني
ع درب الخير وبأروع طريقة
إذا إبليس شي مرة غواني
بعود بعقل لأصل السليقة
مابترك شر يربى وبمكاني
لملقى الخير أكثر من طريقة
وإذا هاالدهر بالويلات جاني
وناوي الخوض ببحوري العميقة
وصب المر وبأيدو سقاني
وجمع جمر تايعمل حريقة
بفكر الحب رح اسقي زماني
ومبترك حقد يغمرني دقيقة
لأنو الرب من طينة حباني
بذور الخير بالعروة الوثيقة.
بقلمي
محسن محمَّد فندي
M.M.F
؟؟***؟؟