بقلم الشاعر عصام اسماعيل
معشوق قلبي عجب
لا طل ولا بان
يمكن رماه التعب
ويلي يكون تعبان
محبوب عيني صعب
ياخدني هالنسيان
يتوه فينا الدرب
يرمينا للحرمان
ونصير نمشي بدرب
بخطا من أحزان
وينك حبيب القلب
تعود للأحضان
يا دمع عيني انسكب
من لوعة الهجران
ما يغمض لي هدب
والقلب شو نعسان
يكفي نعيش غرب
نتشرد بلا أوطان
خلينا ننسى الغضب
وننسى يلي كان
مايهم مين السبب
ومين فينا يلي خان
ما بصدق إنو الكتب
تحرقها النيران
تشعل متل الحطب
تخنقنا بالدخان
كتير تقوقعنا بعلب
ونسينا هالجيران
ملينا نعيش بكذب
و بعدنا عن الخلان
نشتكي مر الشرب
ونرضى بالإدمان
محبوب قلبي عجب
غايب صرلو زمان
لا سأل ولا كتب
تركني وأنا حيران
معشوق قلبي يارب
ما تكون إنت زعلان
حامضا" قالو العنب
والكل منو سكران
بقلمي
عصام اسماعيل