صون لسانك للشاعره المبدعه حبيبه اخريف

صون لسانك
صون لسانك يالي 

درتك لي حبيب

صون لسانك يالي
 حسبتك لي
طبيب
البارح كنا صحاب
نزلت من كتافي 
وهزيتي عليا سرار
شاركنا شلا نعايم
الدم وطعام
تغضب نرجعو
غراب( غريبين عن بعض)
ما تصون عهدي 
لي صانو لغراب (طاير الغراب)
على قلة حيلتي
تكويني بقوالي
شكيت عليك 
حسبتك گراب
تسقي عطشي 
ضنيتك خليل
بحت ليك بضري

تقلب الميزان
هبطات عندك كفتي
طلعتي بالبهتان على
ضهري
شحال قدك 
صون لسانك
غدا ياكلك 

اجي ليوم لي
فيه يتلاقاو رجليك
تطلبني نجيك
طالب سماحي
علاش لي ما تصون
عهدي فيامك
يالي انت خويا
وخا ماشي من مي (امي)
ل يوم بان الحق
ضهر عيبك، قبحك، 
حقاش انا صنت عهدك

حبيبة اخريف