رحنا عالأعوج للشاعره والأديبه دكتوره ملك محمود الأصفر

رحنا عالأعوج

.............................

رحنا عالأعوج رحنا
ومتل النسمات اسرحنا
وعالضفة تمشينا كتير
وشفننا المية وافرحنا
وشفنا المرج بالبستان
وطبيعة بأجمل ألوان
واسمعنا صوت العصفور
عم يغرد للأغصان
...................
تنقلنا بين شمس وفي
نحنا وصبايا هالحي
وشفنا لولاد الحلوين
عم يخوضوا بقلب المي
واتفرجنا عالجاجات
وعالديك وعالحمامات
وشفنا البلبل والشحرور
والراعي بجنب الغنمات
.....................
وضحكنا أحلى الضحكات
وقضينا أحلى الأوقات
واستمتعنا كتير كتير
حكينا للدنيا حكايات
وبقينا جنب المية
من عابكرة لعاشية
والمسا رجعنا عالبيت
نمنا نومة هنية
................................
د . ملك محمود الأصفر