أخي… حكاية العمر واليقين
أخي… يا سرّ الدفا في ليلي الطويل
يا معنى الأمان لو غاب كل جميل
يا أول حكاية حب سكنت وجداني
وآخر طريق لو تايه وسط المستحيل
يا نور الخطاوي لو ضاعت خطوتي
يا حضن الحياة في كل دمعتي
يا نبض الطمأنينة في صدري
وسرّ ابتسامتي وقت غربتي
إنت مش مجرد أخ في حياتي
إنت عمر بيتكتب في سكاتي
إنت كلمة “أمان” في قاموسي
وإنت الروح ساكنة في ذاتي
لو الدنيا يوم قفلت أبوابها
إنت الباب اللي عمره ما اتقفل
ولو الناس كلها خانت عهودها
إنت الوعد اللي عمره ما اختل
يا سندي وقت الضعف والانكسار
يا شمس عمري وسط ليل وانهار
يا ضحكة بتسبق كل فرح
وقلبك أحن من ألف دار
في غيبتك الدنيا تبقى غريبة
والوقت يعدّي بطعم الكآبة العجيبة
ووجودك جنبي حياة بتتولد
كأن الروح من غيرك سبيّة
إنت القوة في وقت التعب
والحلم اللي ما يعرفش هرب
إنت معنى الأخوة بصدقها
وحبك في قلبي عمره ما غاب
لو أكتب فيك أشعار وسطور
هفضل قليل قدامك يا نور
إنت أغلى من كل الكلام
وأصدق إحساس في القلب بيدور
يا رب احفظه بعينك يا كريم
وابعِد عنه كل وجع وكل أليم
واجعل دربه نور وسلام
وعمره كله فرح مقيم
خليه دايمًا في ضلي وعمري
وأجمل هدية من ربّي لصدري
ده أخويا… وسندي… وفرحتي
وأغلى من الدنيا بما فيها بكتير
بقلم/عزه كامل 🖋️