خايف .. توب
بقلم السيد ابو طاحون
خفت م الموت ولا ايه ؟ !
عارف نفسك شقى معيوب
أمواج عاليه فى بحر ذنوب
أحمد رب غفور غفار
هم وقرب جرب توب
و أشرب من عسل الستار
خفت م الموت ولا ايه ؟ !
فاتح خطك جوه النار
كل اصحابك م الاشرار
بير من ضلمه وماله قرار
طول ليلك هات له نهار
واحمد رب غفور غفار
هم وقرب جرب توب
و أشرب من عسل الستار
خفت م الموت ولا ايه ؟ !
خايف لما القبر يضمك
ولا تعرف لحمك من عضمك
و الزنقه والضلمه تغمك
والدود يجرى ف نن عنيك
وأكل لحمك شارب دمك
يالحفره يالروضه اختار
واحمد رب غفور غفار
هم وقرب جرب توب
و أشرب من عسل الستار
خفت م الموت ولا ايه ؟ !
ميت ميت ما فى فرار
اقرأ كتابك جى حساب
كل سؤال محتاج لجواب
ولا قدامك اى قرار
أما الجنه وأما النار
واحمد رب غفور غفار
هم وقرب جرب توب
و أشرب من عسل الستار
صل على اللى هيشفع فيك
*********
#خايف_توب
#الاخنوم
، #السيدابوطاحون