،،،، خبر كان،،،
بقلم الشاعر علي ناصر
من مبارح وانا ناطرك سهران
ناطر حتى بنورك عليي تطلي
نامو شبابيك غرفتي والحيطان
وما كنتي ترحمي حالي وتهلي
تخمينك نويتي عالهجر والنسيان
وبلشتي من حلا سهراتي تملي
لا ما بظن ولا كان هيك بالحسبان
هيك كانت عيونك دايما تقلي
ولووو وين راحو الرقه والحنان
ولمسات كنتي فيها حالي تشلي
وين اختفو بسماتك وين يلي كان
من شهد شفافو شفافي يملي
معقول صار بخبر كان ياما كان
وما عاد غير صدا الصوت يوصلي
لا ما بظن انو هيك يغيرك الزمان
وتتنمردي ومن بين احضاني تفلي
أنا هون باقي ووحياة ربنا الرحمن
وبين ايديكي قلبي وروحي خلي
وكرمال انك تضلي بخير وسعاده
رح ادعي لروحك وكرمالها صلي،،
،،،،علي ناصر،،،،