ايه جرالكم يابشر كان
بقلم الشاعر محمد الفيومي
الحب بيجري في دمكم
ليه بدلنا الحب بكره
والصدق بكذب والامانه بالخيانة
والاخر بلوم علي الدنيا
وننسي اخطأنا ونتمادي
واحنا فاهمين كل حاجه
ونداري عيوبنا بكلمة وابتسامة
بضحكه كدابه ووشوش غشاشه
ونتظاهر بالحب كالعادة
ووعود كدابه ليه يا بشر
نجرح قلوب حبتني حب بزيادة
واحنا قلوبنا ما تعرف عن الحب حاجه
بنتظاهر بالحب وكله نفاق وكذب
معروف ال قلبه في يوم يكره
ما يعرف يوم يحب
اختلاف كتير بين زماني
والزمن ال عدا وفات
كان زمان فيه كسوف واحترام
وكلمة بحبك تطلع مع طلوع الروح
من شدة الاحترام والكسوف
كان حب صادق مع حلاوة الروح
مش حب مصالح
اصبح مفهوم الحب
تسالي علي التليفونات والقهاوي
وكله كدب ف كدب
مشوار طويل بنكمله
وسط ناس اتغيرت واتبدلت
وسط ناس بداري ال جواه
بضحكه كذابه
وسط ناس رضيت بالذل والاهانه
وسط ناس رضيت بأهانت
المسلمات والاسلام
خلاص مات جوانا الانسان
وبنكره بعض بصدق واخلاص
ياريت الناس تتغير وتعرف
ان كلنا واحد واخوات
من مصر لسوريا لليمن للعراق
وغيره وغيره وغيره وغيره
كلنا اخوات ياريت نتغير
ونرجع زي زمان
ايه جرالكم يا بشر كان الحب
بيجري في دمكم
✏محمد الفيومي