منتدى نبض القلم.. للشعر والأدب

…….شَمعَة بْلاَ فتيله....عامية
بقلم الشاعر محمد مهداوي 

فْ زاويَة الرُّوح
الظلام بْغَا يشعَلْ شَمعة
نْسَى لَوقيد 
فْ جَوف لَحزَانْ
ؤُ خَلاَّ الدمْعة
مَا شِي هي الدَّمعة
وَخَّ الظلام طلَبْ
ضِيف رَبِّي
الگمرة عَزَّت عليه ضَوْهَا
ؤُ خَلاَّتو بايَت بَرَّا
يْعَاني مَنْ الحُگرَة
كيفْ بغيت الگلب المجْروح
يَكْمَلْ هْلالُو
ؤُيزيان حَالُو
والسْيُوف طَالْعَة
نَازلة فيه
تقَطَّع لَحمُو طرافْ طرافْ
ؤُتَشْرَبْ دَمُّو
راه نَار الحگرة
 مَعَندهَا فتيلة
 النُّور عَز راسُو
  وَ سْرَح فْ شَلاَّ بُلدَانْ
يْقَلَّبْ على فانُوس الحَقْ
يَرفَع بِه ذل الصبيانْ
وي دَاوي كُلْ جيعانْ
شْحَالْ قَدَّك منْ رَكزَة 
يَا المَبلي
بْ غيوان الحَقْ
راه لَعمَى
مَيقَد يَطلَع دروجْ
مَيقَد يَشعَل نيرانْ
و المَذلُولْ يَبقى ديما تَالفْ
هَيْمانْ....
على الله لَفتيلة 
تَخرج مَن عروق 
لَقلُوب المكلُومة
تضَوِّي لَمكانْ
ؤُ تَطفي نار لحزانْ
راه الشَّمعة مَبقات شَمعة
والضَّو مَبْقَا ضَوْ
غَدَّا لازَم تَظهَر كَلمَة الَحقْ
وِي بَانْ البُرهَانْ

                  محمد مهداوي