اللي فارق معايا
بقلم الشاعر عرفات سعيد
ما كانش فارق معايا أننا نفترق
بس يكون الفراق رغم عننا
مش نفارق بالرضا
والدمع ساكن جوه مننا
أنا ما فارقتش ولا اتشرط
ولا حطيت الغاز ولا اتهربت
ولا اختفيت وكدب إن لسه
بحب
كنت بسأل وكل يوم مستني
تطلع شمسك من بين غيوم
الكدب
وتفرق ضباب حاجب بالظنون
أنك مجياش
ومجتيش !
وأما كنتي بتسألي . كأنك ما بتسأليش
كأنك مكلمتنيش
سؤالك
كل كام شهر زي قلته وكان باهت مجاملة
كداب زيك ميسويش
كنت بقنع نفسي أنك لسه حباني وعايزاني
وأن ظروفك قاسية مابتفضكيش !
واتحايل علي عقلي واقنعه ان حبك صعب يتكرر
زيه فين نلاقي .. ما حنلقيش
قلبي كان بيوجعني في البعاد
وعقلي كان تعبني من العناد
وكل اللي ساد
اني انا زي ما أنا
مقدرتش ما احبكيش
اللي فرق معايا في فراقنا
انك خنتي وكدبتي ونسيتي أكتر
حاجه وصيتك عليها
وقلت لك اياكي
في يوم تعمليها
الكدب والخيانة
كنتي خايفه تخسري صورتك قدامي
ولا خايفه علي مشاعري وأحلامي
لا بجد عندك قلب !
بس تصدقي إن اللي يكمل في الحب
بإخلاص
يبقي مداس .. أيوه مداس
تتحمل وتكدب ظنك وتختلف مع عقلك
حتي اللي تشوفه عينك تكدبه
وتقول
يمكن مش قاصد
والغلط في ظنك
تفضل تراضي في ناس طواحه
زي الطير كل يوم في ساحه
ما دام لاقي الجو طراوه
والدنيا متحرحه
ومرتاحه
يرجع ليه لصاحب الدار الامار
فين رايحه وفين جايه
وكل يوم بحكايه
عندك حق .. صح عندك حق !
بس لو ركزنا شويه وبطلنا نحكم
يالمناظر والانحياز
أي حاجه
ليها قيمة لازم نهتم بيها
ومن أي شيء بنداريها
وأنت كنت جميلة واغلي حاجه
عندي كان لازم أحافظ وأخاف عليها
غيرت الرجل هي دليل الحب الأول
وخلي بالك لو ما غرتش عليكي
اعرفي اني بعرف غيرك ومحبتكيش
اللي فرق معايا بعادك بالكدب والحجج
مع اني قلت لما نفترق
وأنا كنت عارف أن احنا حنفترق
نفترق بالاحترام
وأن يوم ما نتقابل يبقي بينا سلام
أما انك تختمتيها بخيبه فيكي
ونظرة بقلة احترام
يا خسارة اللي فارق فارق المضمون
مش الكلام
كان نفسي يوم نتقابل يكون بينا
إحترام
#عرفات سعيد