منتدى نبض القلم.. للشعر والأدب

 سماح     
بقلم الشاعر  كمال البنا                                 بقول لحبيبى مليون سماح. 
وعاوزو كمان ينسى اللى راح . 
ينسى الحزن وينسى الحيره. 
وينسى كمان وياها الغيرة. 
وزى حياتنا مافيها جراح.
لازم يوم هنشوف افراح .
بس نعيش أفراحنا بجد.  
ولا يدخل بينا ابدا حد . 
حبيبى اوعى تفكر تبعد تانى. 
 لانى فى بعدك ياما بعانى. 
وياما الشوق جابنى وودانى. 
ولأنى كمان انا خت عليك . 
ولا هنسى فى يوم نظرة لعنيك . 
 أنسى ازاى وانا روحى معاك. 
أنسى ازاى وانا قلبى بيهواك. 
يمكن يوم بتاخدنا انا وانت الدنيا. 
بس هوانا بيرجعنا لبعض فى ثانيا. 
ونلاقى الشوق ساكن جوانا. 
يلى نعلم الأجيال الجاية هوانا .
يلى معايه نعلم كل الناس. 
نفس الشوق نفس الإحساس. 
علشان ما تكون ذكرانا احنا الاثنين. 
دائماً يحكوها كل اثنين عاشقين.

شعر / كمال البنا