منتدى نبض القلم.. للشعر والأدب

والله كاير كلام 
بقلم الشاعر  Khled Amdouni

والله كثير كلام رِدْت نقولَه*** ونوَصّفك يا زين زين الصّافي
رِدتك عشيرة موالفة ومخلولة*** وما ردت يتهنّى بدفاك خلافي
يا دافية قلبي عليك حكوله*** عيوني و نكر  وقال يزّي كافي
هالزين لو موجود تو نمشوله*** جاب جُرّتك مسكين ليش تجافي
يا عين في بدر الدجى مكحوله*** معلول قلبي وزاد علّ أطرافي
ما عاد مِالكَيّات يحمل دُوله*** وحتى العسل دونك صعيب يشافي
والله انكسر قلبي و غدت الشوله*** ومازال لو تطلب يكيّل وافي
زي النخل صبري ثبت في طوله*** لا مات لا طارح تمر خرّافي
للعشق دستور انكتب بفصوله*** و فصل الهوى ما زال عنّي خافي
لاهوش غايب نفرحو بوصوله*** بعد ال تغرّب تاه وسط فيافي
ولابا يوضّح ما خفى مدلوله*** زيّ الجمر ما بين شاعل، طافي