ألف رحمة
بقلم الشاعر شرف الدين فاروق أحمد
(وقل ربي إرحمهما)
الف رحمة ونور عليكم
ياللي جيت الدنيا بيكم
في السجود بدعي تملي
والدموع بتنادي ليكم
الفراق كسرلي نِفسي
خلا يومي زي أمسي
وأما تيجي ذكري ليكم
م البكا ماأمسكش نَفسي
......
ياللي أقرب ليا مني
انتوا احساس إلامان
اللي أثر فيا إني
إتحرمت من الحنان
بعد قلبي ماكان سعيد
والجراح عني بعيد
مرة واحدة بقيت وحيد
بشتكي غدر الزمان
الفراق كسرلي نِفسي
خلا يومي زي أمسي
وأما تيجي ذكري ليكم
م البكا ماأمسكش نَفسي
......
عمري ماإتخيلت مَرّة
تبقوا ليا بس ذكري
دي الحياة من غير
وجودكم
صدقوني صعبة مُرة
مين هايفرح يوم لفرحي
مين هايتألم لجرحي
مين عشاني راح يضحي
زيِّكُم ماشكيتوا مَرة
الفراق كسرلي نِفسي
خلا يومي زي أمسي
وأما تيجي ذكري ليكم
م البكا ماأمسكش نَفسي
الشاعر الغنائي /شرف الدين فاروق أحمد