إنتحار جرار قطار رمسيس للشاعر محمد جمال فايد

.إنتحار جرار قطار رمسيس...

ليه نتحرق فوق الرصيف

.............علشان خناقة أو هزار

داحنا يامصر علشان

...........عيونك ياما شربناالمرار

ومن الفجر بننزل شغلنا

..........بعد الصلاة من غيرفطار

لا بيهمنا مطر ولا برد

.........ولا حرولاحتى يامصر نار

وإللى ما يصونك أويخونك

...............فى نظرنا يامصر عار

والإخلاص والأمانة يامصر

................الكنانة رافعينه شعار

ولا بنتغير ولا بنتبدل

........مهما مال الزمن عليناوجار

وفى لحظة واحنا عالرصيف

............ ..سمعنا صوت الإنفجار

والدنيا زحمة زحمة ومفيش

.. ..........قدمنا غير الجري خيار

وفجأة لقينا نفسنا 

.............فى جهنم وفى قلب نار

شمال يمين فوق تحت

.....نار بتكوينا فى وسط الحصار

واسودت الدنيا وصار

......بينا وبين رجوعنالولادناجدار

واتحرمنا فى اخر لحظة من

.. .اللقمة واتحرق فى إدينا الفطار

علشان خناقة غبى 

.........مع غبى عقله فك منه طار

والقطر إللى عمره ماغلط

.....غلط وغير فى اليوم دا المسار

وقرر من فعل البشر

....... وقسوتهم وإهمالهم الإنتحار

وخلف أرامل وحزن جارف

............. فى قلوبنا وقلوب صغار

ورحلنا عنك يامصر وأرواحنا

.............بتهتف عمار يامصر عمار

يا واحة الأمن والأمان

........ماتهزك ريح ولا حتى إنفجار

ومهما زاد البلاء ليلك

.......يامصر الكنانة فى عيوننا نهار

.ليلك يامصر الكنانة فى عيونانهار.

..مع خالص العزاء لمصرناالحبيبة.

 ..........ولأسر الشهداء...............

..........محمد جمال فايد..........

.....جمهورية مصر العربية........

.كفر شبرا زنجى الباجور منوفية