يا بحر قوللى ليه
بقلم الشاعر عادل شعبان
يا بحر مال موجك
ثاير وحاير ..ليه
ولا ده أصله دمعك
قوللى بتبكى ليه
عشان حبيب غادر
سابك وراح سافر
ولا دموعك ع اللى
جنبك ومش فاكر
يا بحر قوللى ليه
ايه بتبكى عليه
----؛
عمال تناجى الشط
رايح وجاى تلاغيه
وشراعى عمره ماحط
مش لاقى مرسى ليه
بحسب دموعك ليا
وحالى صعب عليك
واتارى دمع عينيا
يابحر داللى مليك
يابحر قوللى ليه
-----؛
يا بحر بوح لى بسرك
يعنى ح اقوله لمين
ف قلبى ياما بدارى
انا وانت ..مساكين
لا النجم دليل راضى
يهدينى برك فين
وحتى البر قصادى
وتايهة عنه العين
يا بحر قوللى ليه
-----؛
انا وانت كدة ح نفضل
نستنى ف اللى مجاش
وندانا عمره ما يوصل
وعذابنا كله ..بلاش
والموج يصرخ كفاية
الرمل ساب اصدافه
وأنا همى ..جوايا
لا سمعه ولا شافه
يابحر قوللى ليه
ايه بتبكى عليه
------؛
بقلم / عادل شعبان