روح وابعد للشاعر ربيع السيد دسوقي

قصيده عاميه بعنوان :
((((( روح  وإبعد )))))
بقلم الشاعر ربيع السيد دسوقي

روح  وإبعد عنى  وإنساني 
وإنسى كمان عطفى وحنانى 
وإعمل  ما بدالك  يا حبيبى 
بس إوعى تفكر تيجى تاني 
روح  وإبعد عنى  وإنساني 
...........................
إبعد  يا حبيبى كمان  إبعد 
وإتقل براحتك قوى وإعند 
هو عشان عارف إنى بحبك 
تتسلى  بيا  كدا .. وتلعب 
إبعد  يا حبيبى كمان  إبعد 
..........................
صدقنى أنا بعد اللى جرالى 
بإيديه  .. راح  أطفى  ناري 
ولا هضعف تانى قدام حبك 
ولا حتى هتخطر على بالى 
روح  وإبعد  عنى وإنساني 
...........................
إحترت حقيقى  أنا فى أمرك 
وتعبت كتير قوى  من غدرك 
كمل مشوارك  ..  مع غيري 
شوف مين راح يتحمل ظلمك 
إحترت حقيقى أنا فى أمرك 
...........................
بكره  ......  هتحن  لأيامى 
وهتندم  .. ع الحب  الغالي 
تتمنى  دقيقه  كدا  بقربى 
تتمنى  أرجعلك .. من تانى 
وساعتها حقيقى مش هقدر 
أأمنلك  ...  لو حتى  ثوانى 
روح  وإبعد عنى  وإنساني 
روح  وإبعد عنى  وإنساني 
.............................

كلمات / ربيع السيد دسوقي 
///////////////////