بقلم الشاعر سيد الحلواني
بعد الوداع تهت
في ضياع ومشيت
لأول مره من غير
الرفيق وفضلت أدور
على الطريق
بصيت لقيت
شبح الدمار
عملاق بيقتل
في النهار
ومشيت في ليل
على أشواك والدم
حيران في عروقي
والندم مربوط بحبل
من عدم
ماأعرفش
فين ومين أنا
ولعمري فاضل
كام سنه
وأنا أملي
ضاع بعد الوداع
و رميت سلامك
وفي عنيك
ريح الشتا
تتركني ماشي
في درب
مربوط الخطاوي
وأسير شايل
في قلبي
صخور ألم
حاسس بان
الدنيا ماتت
والخطاوي
كمان ميته
وبكيت عليك وعلى
الربيع إللي إنتهى
وعلى الدموع
إللي في
حياتي سكبتها
ومشيت ونبض قلبي
عالي في الفضا
بيقول ربيع
عمرك مضى
كان لحن
أخضر وانتهى
كان كأس سعاده
شربتها ومع السنين
كاسك فضي
واقول لقلبي
تتمنى إيه؟؟
بيقولي قلي
اتمنى إيه
اتمنى أفضل
على الجراح
ماشي لنهايتي
ولا أشوفه يوم
مكسور الجناح
إللي في يوم
توه ضحكتي
مش ذنبي
اني لقيته كده
لا ذنب الزمان
أرجع واقول لقلبي
تتمنى ايه؟
بيقولي قلبي
أتمنى إيه؟
اتمنى اشوفه
في الحاضر سعيد
أتمنى أشوفه ولو
من بعيد
أتمنى ينسى الطريق
إللي دفنه وطواه
أتمنى مايذوق أي
شيئ مر حتى
كلمة آه
أتمنى ما أشوف
حب غادر مع الأيام
من بعدي
يعيش معاه
بعد الوداع
*******
زجل
بقلمي /سيد الحلواني