عذاب الأنا فاروق الباشا
ياابن ادم !!!
ان حكيت حاسب
ولاتقول. انا
دا الأنا تفتح للغرور
ميت الف قنا
بص حواليك شوف
كام الزمان فنى
تحت التراب مالهم
صيت ولانافعهم غنى
ولا حسب لامع طنان
ولامال بالباطل جنى
اختار العرض الزايل
ولغير ربنا انحنى
وللحرام ايده اتمدت
وياما قصور بنى
وفات حبايب العمر
ومن اهل السوء دنا
واسمه من الوجود محاه
وبلقب اشتراه انكنى
ياابن ادم حب ربك
تشوف العز والهنا
فى الدنيا يرتاح بالك
وفى الاخرة تشوف منى
الروق مكفول وكفيلك
اسمه الغنى ربنا
كد واعرق بالحلال
تدوق حلاوة العنا
ويوم القيامة وشك ينور
ويملاه الرضا والسنا
مع تحيات الغيث الوفير فاروق الباشا