الحلقة ( الخامسة عشر ) من المسحراتي
من ديوان / ولسه الفؤاد عطشان
للشاعر مصطفى فريد (. ١٥ )
تتر ٠٠٠
مسحراتى داير أنادى
فى كل وادى اقول ياهادى
أحرس ولادى وانصر بلادى
على الاعادى والطماعين
نبضى فى قلبى بيدق طبلى
زى اللى قابلى جادل فى حبلى
بحرى وقبلى نجوم بتضوى
بهجة وحنين
نقلة ٠٠٠
ياللى غواك الشيطان.
نساك حلاوة الإيمان.
إسهر مع القرآن.
فى نوره تلقى الأمان
والجنه للصابرين
فكر فى يوم الحساب.
راح تلقى فيه الجواب
مابين إيديك الكتاب.
فيه إللى حاضر وغاب
خليك مع التايبيين.
يارب وبرحمتك.
نور لي بمحبتك.
سكة ضلام نفسى.
إهدى الفؤاد سكتك.
خدنى لطريق جنتك
واحمينى من يأسى.
يا أرحم الراحمين
فيناله ٠٠
بانادى دايما الله ربى وهادى قلبى
فى كل وقت وكل حين
ادعى لربك يغفر لذنبك
ويخف جرحك ويعم فرحك
وتروق ملامحك
ويمد لينا شهره الكريم