وداعا رمضان
بقلم الشاعرة أمال بدر
والله حتوحشنا يارمضان
ياشهر الرحمة والغفران
وفيض الخير والإحسان
يا مجمعنا على. القرآن
وسجودنا وذكر الرحمن
فيك القلوب دايما عمرانه
صوم صلاه تقوى وإيمان
ونور. قايد دايما حوالينا
وبيلالى. فى. كل مكان
بتحلى فيك صلاة التراويح
و فيك يعلى صوت التسابيح
ويملى. قلوبنا. بالإيمان
والنور حوالينا فى كل مكان
أيامك الحلوة بتجرى قوام
وتفوت بدرى يا رمضان
يا مجمعنا على القرآن
وسجودنا. وذكر الرحمن
بنستناك م العام للعام
بشوق وفرحة. العطشان
وبنسعد. بجمال. لياليك
وفرحتنا. مع كل. آذان
وبتودعنا. بأحلى . عيد
بعودة. بعودة. يا رمضان
امال بدر