ع داوي.......
بقلم الزجال عز الدين ناس الرمى
حتا نڭول صافي
باراكة
دقة دقة
ما نكتب والو
غير نسكت و نشوف
بلا حروفي ما تزهى
ليا بركة
ڭلبي يتفزع
و يركب مواج الخوف
ما نحس بديك.
الورقة حتا
تعمر و تتسقى
بمداد الخير
و يخرج كل ما
فلخاطر و الجوف
حروف القلب مع
حروف لخاطر
تتلاقى
يتحلو عينيا
و يزيان الشوف
كي تتولد لقصيدة
رزينة و لا حمقة
نبقى
فيها ساهي
يا حبابي و نشوف
ما تعجبنيش
نكمش و نڭطع
الورقة
و يبقى حالي
محتار و ملهوف
خاطري يخسر
يا سيادي
نبكي آنا و نشقى
نولي نفدفد
كيف الطير
لي ريشو منتوف
و نعاود و نزيد
و هاكدا نبقى
حتا يتڭاد الميزان
و يحضرو الصروف
تجي ديك الماية
تعاونني
و توڭف معايا
و نكتب قصيدة
صحيحة ماشي
مريضة
تداوي و تشافي
لڭليب لملهوف
يزيان الخاطر
يحلا فعيني المنظر
عاد ليا يتڭاد
و يتسرح الشوف..........
مجدوب الحال: الزجال عزالدين ناس الرمى
Le 21/01/2020