منتدى نبض القلم.. للشعر والأدب

شو قيمة الانسان

بقلم د رامز عيد 

عرفنا  البشر  بالبدئ  ترفع  بالقيم 

انصاف كان العدل و الكذب انعدم

من  قبلما  الاديان  تنزل   عالدني

الانسان كان الكون من قبل السنة

الشيطان  فينا مال  لمكران  الامم 

كان الضمير الحق عطر السوسنة

مهما انلطم بالريح  بالريح  انغرم 

ينشر عبير  وطيب   بروح  الوزلنة

روحو وهب  للغيم  لو راحو  انعدم 

كبرنا وكثروا الناس بدنية شيطنة

صاروا الضواري كتار والفكر انعزم

يا تعيش متل الغير لربك  تنحني 

لحفنة ذهب تسبيح والعف انقضم

وين الوعي بالفكر ل بالنزوة جني 

كافر  بحق الروح   بالمال   انوهم 

وين ل عطاك العمر طهر الولدني 

بسوق المكر ينباع بالقيمة انجزم 

عود لضمير الحي شوف اللي فني 

مات الجسد  والروح مرفوعة  علم

ياما  بطمع  ملوك و الجاني  زني 

تركوا  غلال  العمر  و الملك  اهترا

صاحب ضمير الحق رفرف عالقمم

رامز عيد 

24/08/2017